Matrícula
A Comisión Interuniversitaria de Galicia (CIUG) abrirá o prazo de inscrición e matrícula para o curso 2025/2026 en maio-xuño de 2025. A convocatoria está dirixida a todos os candidatos que desexen comezar os seus estudos no grao en Xestión de Empresas Hosteleiras da Universidade de Santiago de Compostela (USC).
MATRÍCULA DE INICIO DE ESTUDOS
O proceso consta de 3 fases:
- Solicitar praza para o grado en Xestión de Empresas Hosteleiras a través da aplicación NERTA.
- Realizar a matrícula na USC.
- Realizar matrícula no CSHG.
MATRÍCULA DE CONTINUACIÓN DE ESTUDOS
O proceso consta de 2 fases:
- Realizar a matrícula na USC.
- Realizar matrícula no CSHG.
MATRÍCULA NO CSHG: En ambos tipos de matrícula (inicio ou continuación de estudos), para poder formalizar a parte da matrícula correspondente ao Centro Superior de Hostalería de Galicia, recibirá unha mensaxe de SMS ou de correo electrónico coa información necesaria para facelo, unha vez realizase previamente a matrícula na USC.
Requisitos de acceso
CANDIDATOS QUE PROVEÑEN DO SISTEMA EDUCATIVO ESPAÑOL
É preciso cumprir algún dos seguintes requisitos académicos:
- Ter superado os estudos de COU ou bacharelato e as probas de acceso á universidade (ABAU).
- Ter superado un ciclo formativo de grao superior.
- Dispor dun título universitario homologado.
- Ter superado a proba de acceso para maiores de 25 anos.
- Se se cursaron os estudos nun colexio en territorio nacional cun sistema educativo propio dun país membro da Unión Europea que non sexa España, deberá solicitar unha credencial á Universidade Nacional a Distancia (UNED) conforme cumpre cos requisitos para acceder aos estudos universitarios (máis información en www.uned.es/acceso UE).
Neste caso, a credencial é título suficiente para o acceso, e este ordenarase de acordo coa cualificación obtida sobre un máximo de 10 puntos. Aínda que non é obrigatorio realizar as Probas de Acceso á Universidade, se desexa aumentar as posibilidades de acceso, podes mellorar a nota media ata 4 puntos mediante a realización da parte voluntaria das probas. Se es estudante de sistemas educativos da Unión Europea, podes facelo a través da Universidade Nacional de Educación a Distancia (UNED/UNED). Se tes residencia en Galicia, podes facer a proba a través da Comisión Interuniversitaria de Galicia (CIUG). - Persoas maiores de 45 anos que superen unha proba específica.
- Persoas maiores de corenta anos con experiencia laboral ou profesional en relación cuhna ensinanza universitaria.
- Persoas que estivesen en condicións de acceder á universidade segundo ordenacións do Sistema Educativo Español anteriores á Lei Orgánica 8/2013, do 9 de decembro.
CANDIDATOS ESTRANXEIROS DA UNIÓN EUROPEA (SISTEMA EDUCATIVO DUN PAÍS DA UE QUE NON SEXA ESPAÑA)
É preciso:
- Ter superado o equivalente no sistema educativo do país de procedencia ao segundo de bacharelato español ou estar en posesión do bacharelato internacional.
- So é necesario facer a homologación dos estudos preuniversitarios na web do Ministerio de Educación y Ciencia.
CANDIDATOS ESTRANXEIROS – RESTO DO MUNDO (SISTEMA EDUCATIVO DUN PAÍS QUE NON PERTENZA Á UE)
É preciso:
- Ter superado o equivalente no teu sistema educativo ao segundo de bacharelato español.
- Solicitar a homologación dos estudos preuniversitarios. Na web do Ministerio de Educación y Ciencia,atópanse os países que requiren esta homologación, os pasos que seguir e a documentación que presentar). O proceso de homologación pode tardar aproximadamente tres meses en realizarse.
Créditos a matricular por curso
O alumnado debe matricularse do curso completo o primeiro ano (60 créditos ECTS). Un máximo do 15% do alumnado poderá cursar estudos a tempo parcial (30 créditos).
A partir do segundo curso, o alumnado debe matricularse do curso completo (60 créditos) polo menos na primeira ocasión. Non poderá matricularse en máis de 75 créditos por curso e deberá matricularse obrigatoriamente das materias pendentes do curso anterior.
Parámetros de ponderación de materias de opción e troncais de modalidade
Aquí se presenta unha tabla coas ponderacións correspondentes as materias troncais e de modalidade para a proba de bacharelato para o accesso o Grado en Xestión de Empresas Hostaleiras para o curso 2022-23. ( pendente de verificación).
| Artes Escénicas | 0,1 |
| Bioloxía | 0,2 |
| Debuxo Técnico II | 0,1 |
| Deseño | 0,1 |
| Empresa e Deseño de Modelos de Negocio | 0,2 |
| Física | 0,1 |
| Matemáticas II | 0,2 |
| Matemáticas aplicadas II | 0,2 |
| Química | 0,2 |
| Xeografía | 0,2 |
| 2ª Lingua Extranxeira | 0,2 |
| Movementos Culturais e Artísticos | 0,1 |
Acceso para maiores de 40 anos para o curso 2025/26
As persoas interesadas deben cumprir, ou ter cumpridos, 40 anos antes do 1 de xaneiro de 2026.
Ademais, deben acreditar experiencia laboral e profesional relacionada co grao que se desexa cursar, superar unha entrevista persoal de adecuación da experiencia ao perfil do grao solicitado, e non posuír ningunha titulación académica que lles permita acceder á universidade por outra vía.
Recoñecemento de créditos
Actualmente, o CSHG dispón de táboas de recoñecemento de créditos para as seguintes titulacións:
• Grao en Administración e Dirección de Empresas (USC): 34 ECTS
• Grao en Ciencias Empresariais (UDC): 40 ECTS
• Dirección de Cociña: 54 ECTS
• Dirección de Servizos: 54 ECTS
• Xestión de Aloxamentos Turísticos: 45 ECTS
• Administración e Finanzas: 36 ECTS
• Marketing e Publicidade: 41 ECTS
Pódese solicitar o recoñecemento de créditos doutras titulacións de grao e formación profesional.
Información máis detallada de todo esto pódela atopar no seguinte documento:
Orientación aos novos alumnos
A USC dispón dun programa específico de información e difusión da oferta académica da universidade, onde se inclúe información sobre o CSHG. Á súa vez conta cunha unidade específica dirixida á orientación preuniversitaria, a Oficina de Información Universitaria ( OIU), cun servizo de participación e integración universitaria ( SEPIU) que traballa na integración de persoas con discapacidade e un Programa de Atención a Estudantes Extracomunitarios ( PATEX).
O CSHG dispón de programas propios de información e difusión da súa oferta de estudos a través da súa web. Dispón dun programa de xornadas de portas abertas e visitas virtuais, ofrecendo aos futuros estudantes a posibilidade de realizar entrevistas persoais de orientación.
A comezo de curso, a USC realiza todos os anos xornadas de acollida nos seus centros universitarios, organizadas polo vicerreitorado con competencia en asuntos estudantís (Vicerreitorado Estudantes, Cultura e Formación Continua), que teñen por obxecto presentar aos novos estudantes as posibilidades, recursos e servizos que lle ofrece a universidade.
Pola súa banda o CSHG conta con numerosas actividades de acollida e orientación dos novos integrantes e, en especial daqueles/ as que fan uso das instalacións de residencia, nun proceso de acompañamento individualizado. Ao comezo de cada curso académico, leva a cabo unha xornada de presentación do curso, onde se informa dos aspectos relevantes para o estudante para garantir unha correcta integración desde o primeiro día.Cada curso conta cun titor/a e existe un sistema de titorías por parte do profesorado ao longo do ano académico, tanto a nivel individual como grupal.
A USC ten un programa de alumnos/titores para as titulacións de grao, de forma que alumnos de ultimos cursos, despois dunha formación facilitada pola universidade, realizan tarefas de orientación ao novo alumnado.
Criterios de suspensión do título
Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciaron os estudantes ata a súa finalización. Así, o Consello de Goberno da universidade aproba os criterios relacionados, entre outros, con:
- A admisión de matrículas de novo ingreso na titulación.
- A supresión gradual da impartición da docencia.
- Se o título extinguido é substituído por outro similar (modificando a natureza do título), fixa as condicións que facilitan aos estudantes a continuidade de estudos no novo título e as equivalencias entre as materias dun e outro plan.