Adaptación ao Grao en Xestión de Empresas Hostaleiras (Mención en Dirección Hoteleira)

A partir do curso 2026/27, o alumnado de:

• Gran Diploma en Xestión e Dirección de Empresas Hostaleiras

• Diploma Superior en Xestión Hoteleira

poderá solicitar a adaptación ao Grao en Xestión de Empresas Hostaleiras a través do Curso Ponte.

O CSHG oferta 50 prazas por curso.
O acceso realizarase por nota media da titulación de orixe.

Alumnado do Diploma Superior en Xestión Hoteleira

Para poder solicitar a admisión deberán:

• Ter finalizado o Diploma Superior con anterioridade ao prazo de admisión na USC.

• Dispoñer do título expedido pola USC (ou telo solicitado aboando as taxas correspondentes).

O CSHG enviará unha acreditación oficial na que constará:

• Superación do Diploma Superior.

• Nota media obtida.

• Modalidade de Curso Ponte correspondente.

⚠️ Esta acreditación é necesaria para solicitar a admisión.

O alumnado egresado recibiraa no seu correo institucional do CSHG.

Se non a recibiu, debe contactar con:
coordinacionacademica@cshg.es

Alumnado do Gran Diploma en Xestión e Dirección de Empresas Hostaleiras

Deberán:

• Estar en posesión do título de Gran Diploma.

• Solicitar ao CSHG o recoñecemento no Diploma Superior antes do prazo de admisión na USC.

Do 1 ao 27 de marzo de 2026
Prazo para solicitar o recoñecemento do Diploma Superior no CSHG.
Consultar o procedemento en Coordinación Académica.

Unha vez finalizado o trámite, recibirán a acreditación onde figurará:

• Recoñecemento do Diploma Superior.

• Nota media obtida.

• Modalidade do Curso Ponte asignada.

⚠️ Quen xa solicitase o recoñecemento recibirá a acreditación automaticamente.

O alumnado que o solicitase recibiraa no seu correo institucional do CSHG.

Se non a recibiu, debe contactar con:
coordinacionacademica@cshg.es

Do 1 ao 27 de marzo de 2026

Prazo para solicitar o recoñecemento do Gran Diploma no Diploma Superior no CSHG.

ADMISIÓN

Do 1 ao 30 de xuño de 2026

Debido á alta demanda prevista, realizarase unha consulta non vinculante de solicitude de praza do 1 ao 25 de xuño para o estudantado interesado en cursalo no 2026/27. O 30 de xuño comunicaráselles ás persoas participantes o seu posto, con carácter previo á solicitude de praza na USC.

Do 15 ao 30 de outubro de 2026: Solicitude de admisión na USC.
6 de novembro de 2026: Publicación da listaxe de persoas admitidas

MATRÍCULA

1ª convocatoria: do 16 ao 20 de novembro de 2026
2ª convocatoria: do 23 ao 26 de novembro de 2026
Vacantes: do 1 ao 4 de decembro de 2026

Xaneiro – Xuño 2027

• Inicio do Curso Ponte en xaneiro de 2027

• Coincide co segundo semestre do calendario académico 2026/27

O prezo do Curso Ponte é variable en función da modalidade académica de cada estudante e do número de créditos (ECTS) que deba cursar.

• Modalidade 1 (9 ECTS): 382,5 €*

• Modalidade 2 (10 ECTS): 425 €*

• Modalidade 3 (15 ECTS): 637,50 €*

• Modalidade 4 (16 ECTS): 680 €*

O pagamento realizarase no momento de formalizar a matrícula.

*Prezos estimados. (Pendentes da publicación oficial da USC e do CSHG para o curso 2026/2027. Na actualidade, o CSHG cobra 40 €/ECTS e a USC 2,46 €/ECTS.)

 Cantas prazas se ofertan cada ano?
Ofrécense 50 prazas anuais.

Débese asistir a clases presenciais no CSHG?

• A docencia do Curso Ponte é presencial, ao igual que a titulación de Grao.

• Poderase solicitar a dispensa de asistencia ás clases se se atopa nalgunha das circunstancias contempladas na normativa (como ter un contrato de traballo vixente ou situacións familiares específicas), e esta deberá ser concedida polo CSHG.

Como se asignan as prazas?
As prazas adxudícanse por orde de nota media da titulación de orixe (Diploma Superior recoñecido).

É obrigatorio solicitar o recoñecemento do Diploma Superior se son de Gran Diploma?
Si. É un requisito imprescindible para poder acceder ao Curso Ponte e solicitar a admisión na USC.

Que ocorre se xa solicitei o recoñecemento anteriormente?
Recibirá a acreditación automaticamente, sen necesidade de volver realizar o trámite.

Cando se imparte o Curso Ponte?
De xaneiro a xuño de 2027, coincidindo co segundo semestre do curso académico 2026/27.

Podo saber antes de solicitar formalmente se teño posibilidades de obter praza?
Si. Realizarase unha consulta previa non vinculante na que se informará do posto provisional segundo a nota media antes do proceso formal de admisión.

Que documento necesito para solicitar a admisión?
A acreditación emitida polo CSHG, onde constan:

• Recoñecemento ou superación do Diploma Superior.

• Nota media.

• Modalidade de Curso Ponte.

Onde podo resolver dúbidas administrativas?

En Coordinación Académica: coordinacionacademica@cshg.es