Por que a hostelería?

O turismo é un fenómeno económico de importancia estratéxica crecente na economía mundial.

España non é allea a este crecemento. Desde mediados dos sesenta, é un dos primeiros destinos turísticos a nivel internacional. Hoxe é o segundo país que máis turistas recibe no mundo. No 2018, preto de 87 millóns de persoas visitárono. Xera 2,5 millóns de empregos, o 15,7% no sector servizos. É o 11,8% do produto interior bruto (PIB). Son datos do Instituto de Estudios Turísticos (IET) que reflicten o grande esforzo que o sector turístico español fai para ofrecer bos e diversificados servizos e produtos turísticos.

O sector hostaleiro debe ser máis competitivo e global ao atender aos cambios sociolóxicos e novos hábitos de vida da sociedade e contribuír ao crecemento económico do país. Numerosas cadeas nacionais apostaron pola internacionalización e están presentes en países de Asia, América e África, onde se converteron en referentes do sector turístico.

O sector está vivindo unha importante transformación nos últimos anos debido a procesos de concentración empresarial, ao crecemento das marcas consolidadas mediante a creación de franquías, á internacionalización, á entrada de investidores estranxeiros e a pandemia da COVID 19, que achegan unha serie de cambios que fan que a empresa necesite información máis actualizada e mellores profesionais.

O CSHG é consciente tanto desta transformación como do proceso de internacionalización. Xa que logo, a súa misión é clara e obxectiva: a achega de profesionais cualificados que respondan eficazmente á demanda do sector.